У Вікіпедыі ёсць артыкулы пра іншых асоб з прозвішчам Лукас. Роберт Эмерсан Лукас, малодшы (англ.: Robert Emerson Lucas, Jr.; нар. 15 верасня 1937, Якіма, штат Вашынгтон) — амерыканскі эканаміст.
Лаўрэат Нобелеўскай прэміі па эканоміцы (1995) «за развіццё і змену гіпотэзы рацыянальных чаканняў, змену асноў мікраэканамічнага аналізу і пункту гледжання на эканамічны аналіз».
Прэзідэнт Эканаметрычнага таварыства (1997); прэзідэнт Амерыканскай эканамічнай асацыяцыі (2002).
Вучыўся ў Чыкагскім (тут жа атрымаў ступень доктара) і Каліфарнійскім універсітэтах. Працаваў ва ўніверсітэце Карнегі — Мелана і ў Чыкагскім універсітэце.
Лукас вывучаў эканоміку для сваёй доктарскай дысертацыі на «амаль-марксісцкіх» асновах. Ён лічыў, што эканоміка з’яўлялася сапраўдным рухавіком гісторыі, і меў намер пасля паглыблення ў эканоміку перайсці назад на кафедру гісторыі.
Былая жонка Лукаса, Рыта Лукас, пасля іх разводу ў 1988 годзе, атрымала запісанае ў іх пагадненні аб разводзе права на атрыманне паловы Нобелеўскай прэміі, калі Лукас яе атрымае ў наступныя сем гадоў. Калі ён быў узнагароджаны Нобелеўскай прэміяй у 1995 годзе, ёй была перададзена палова прызавой сумы.
Жонка Лукаса, Н. Стокей, з’яўляецца вядомым эканамістам, прафесарам Чыкагскага ўніверсітэта.