Рафлезія (лац.: Rafflesia) — род кветкавых паразітычных раслін сямейства Rafflesiaceae. Арэал роду — паўвостраў Малака, астравы Суматра, Ява, Калімантан, а таксама Філіпіны.
Усе прадстаўнікі роду (каля трыццаці відаў) — расліны-паразіты, якія большую частку свайго жыцця праводзяць у тканінах расліны-гаспадара; у якасці гаспадароў звычайна выступаюць ліяны з сямейства Вінаградавыя (Vitaceae), якія адносяцца да родаў Tetrastigma і Cissus.
Віды роду адметныя сваімі велізарнымі незвычайнымі кветкамі, некаторыя з якіх дасягаюць дыяметра больш аднаго метра і масы больш за дзесяць кілаграмаў.