Ракця́нскі сельсавет — былая адміністрацыйна-тэрытарыяльная адзінка ў складзе Жлобінскага раёна Гомельскай вобласці Беларусі. Цэнтр — вёска Рэкта.
Утвораны 30 красавіка 1948 года ў складзе Жлобінскага раёна Гомельскай вобласці БССР падчас разбуйнення Лукаўскага сельсавета. У склад сельсавета ўвайшлі 5 населеных пунктаў Лукаўскага сельсавета (Вялікі Лес, Зялёны Краж, Кабанаўка, Навамазалаў, Рэкта) і 2 населеныя пункты Краснабярэжскага сельсавета (Грачухі і Дубрава)[1]. 21 верасня 1992 года скасаваны, тэрыторыя далучана да Луцкага сельсавета.