«Разда́вім фашы́сцкую га́дзіну» — сатырычнае выданне для партызан і насельніцтва Беларусі падчас Вялікай Айчыннай вайны.
Выдавалася з ліпеня 1941 г. да мая 1945 г. (да сакавіка 1942 г. агітплакат на рускай мове — руск.: «Раздавим фашистскую гадину»). З сакавіка 1942 г. газета-плакат, пазней — сатырычны часопіс ЦК КП(б)Б. Спачатку выдаваўся ў Гомелі, потым у прыфрантавой паласе, у Маскве, у Навабеліцы, Мінску. Выданне змяшчала фельетоны, памфлеты, літаратурныя творы, карыкатуры, якія высмейвалі акупантаў і іх памагатых, заклікалі да барацьбы з ворагам.
У выданні друкаваліся творы Я. Коласа, Я. Купалы, А. Астрэйкі, П. Броўкі, Я. Брыля, К. Крапівы, К. Чорнага, І. Ахрэмчыка, Л. Брадатага, А. Волкава[1] і іншых пісьменнікаў і мастакоў.
Са снежня 1945 г. выданне пачало выходзіць як сатырычна-гумарыстычны часопіс «Вожык»