Ража́нкаўскі сельсавет — адміністрацыйна-тэрытарыяльная адзінка ў складзе Шчучынскага раёна Гродзенскай вобласці. Цэнтр — аграгарадок (да 2010 г. вёска) Ражанка.
Утвораны 12 кастрычніка 1940 года ў складзе Шчучынскага раёна Баранавіцкай вобласці БССР. З 20 верасня 1944 года ў складзе Гродзенскай вобласці. У 1966 годзе ў склад сельсавета з Шчучынскага сельсавета перададзена вёска Рэзы-Галаўнічы[1]. 11 лютага 1972 года да сельсавета далучана тэрыторыя скасаванага Баліцкага сельсавета[2]. 26 мая 2017 года скасавана вёска Крупялі[3].
Насельніцтва сельсавета паводле перапісу 2009 года — 4863 чалавекі[4], з іх 49,3 % — беларусы, 45,5 % — палякі, 3,6 % — рускія[5].