Радва́ніцкі сельсаве́т — адміністрацыйна-тэрытарыяльная адзінка ў складзе Брэсцкага раёна Брэсцкай вобласці. Адміністрацыйны цэнтр — аграгарадок Вялікія Радванічы.
Утвораны 12 кастрычніка 1940 года ў складзе Жабінкаўскага раёна Брэсцкай вобласці БССР. Цэнтр — вёска Радванічы. Пасля скасавання Жабінкаўскага раёна 8 жніўня 1959 года перададзены ў склад Брэсцкага раёна. 4 верасня 1972 года скасавана вёска Муры (злілася з вёскай Малыя Радванічы)[1].
У склад сельсавета ўваходзяць 4 населеныя пункты:
Населены пункт | Статус | Насельніцтва | Паштовы індэкс |
---|---|---|---|
Вялікія Радванічы | вёска | 436 | 225007 |
Малыя Радванічы | вёска | 541 | 225007 |
Міхалін | вёска | 17 | 224010 |
Франопаль | вёска | 77 | 225007 |
Насельніцтва сельсавета паводле перапісу 2009 года — 1071 чалавек[2], з іх 79,7 % — беларусы, 9,3 % — украінцы, 7,3 % — рускія[3].