У Вікіпедыі ёсць артыкулы пра іншых асоб з прозвішчам Богуш. Піліп Піліпавіч Богуш (нар. 1 студзеня 1952, в. Жухавічы Карэліцкага раёна Гродзенскай вобласці) — беларускі палітык.
Скончыў Віцебскі ветэрынарны інстытут, ветэрынарны ўрач.
Працоўную дзейнасць пачаў паляводам калгаса «Перамога» Карэліцкага раёна. Служыў у радах Узброеных Сіл. Працаваў ветэрынарным урачом калгаса «Перамога», галоўным ветэрынарным урачом, намеснікам старшыні калгаса імя Жалезняковіча Карэліцкага раёна. Быў дырэктарам рэспубліканскага сельскагаспадарчага ўнітарнага прадпрыемства «Племзавод „Карэлічы“».
Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.
Узнагароджаны Ганаровай граматай Нацыянальнага сходу Рэспублікі Беларусь[1].