Пячатка Ефрасінні Полацкай з Ноўгарада
Пячатка Ефрасінні Полацкай — віслая пячатка з верагоднай выявай Святой Ефрасінні, выяўленая на Рурыкавым гарадзішчы ў Ноўгарадзе. Знаходка падцвяржае вялікую ролю ролю князёўны-ігуменні ў палітычным жыцці Полацкага княства.
У час раскопак у 2015 годзе каля Спаскай царквы ў Полацку была знойдзена яшчэ адна віслая пячатка Ефрасінні Полацкай. Пасля выяўлення гэтай знаходкі прыналежнасць полацкай святой пячаткі з Ноўгарада была пастаўлена пад сумненне.
Апісанне
Галоўнай прыкметай для вызначэння прыналежнасці пячаткі паслужыў надпіс, які размяшчаецца вакол выявы Св. Ефрасінні: «Г[оспод]и, помози рабе своеи Ефросини нарецаемои». На іншым баку змешчана кампазіцыя Праабражэння, якая налічвае пяць фігур, цэнтральнае месца ў кампазіцыі займае Хрыстос, па баках — прарокі Ілья і Маісей, ля ног — апосталы Якаў, Ян, Пётр. Пячатка адціснута на невялікім свінцовым кружку дыяметрам да 20 мм.
Гл. таксама
Літаратура
- Гісторыя беларускага мастацтва: У 6 т. Т. 1: Ад старажытных часоў да другой паловы XVI cт. ; [рэд. кал.: С. В. Марцэлеў (гал.рэд.) [і інш.] ; рэд. тома С. В. Марцэлеў, Л. М. Дробаў ; АН БССР, Ін-т мастацтвазнаўства, этнаграфіі і фальклору. — Мінск : Навука і тэхніка, 1987. — 303 с. : iл.
- Штыхов, Г. В. Древний Полоцк (IX—XIII вв.) / Г. В. Штыхов. — Минск : «Наука и техника», 1975. — 136 с., ил. стар. 115
Катэгорыя·Ефрасіння Полацкая
Катэгорыя·З’явіліся ў XII стагоддзі
Катэгорыя·Беларуская сфрагістыка
Катэгорыя·Гісторыя Вялікага Ноўгарада
Катэгорыя·Дэкаратыўна-прыкладное мастацтва Беларусі
Катэгорыя·Гісторыя Полацка