Пясо́чанка[1], Песача́нка[2] — рака ў Лоеўскім раёне Гомельскай вобласці Беларусі, правы прыток ракі Дняпро.
Даўжыня 36[3] (40[2]) км. Плошча вадазбору 340 км²[4]. Сярэдні нахіл воднай паверхні 0,7 м/км. Пачынаецца за 1,5 км на захад ад вёскі Міхалёўка, упадае ў старычнае возера Лутаўскае на пойме Дняпра за 1 км на паўднёвы ўсход ад вёскі Новая Лутава (працякае праз возера[2]). Вадазбор у межах Прыдняпроўскай нізіны[2]. Рэчышча каналізаванае. Шырыня рэчышча 3—5 м у верхнім цячэнні, 10—18 м у ніжнім[2].