wd wp Пошук: ⬜

Пушкіны

У паняцця ёсць і іншыя значэнні, гл. Пушкін (значэнні).

Пу́шкіны (руск.: Пушкины) — расійскі дваранскі род. Род занесены ў VI частку радаводных кніг Кастрамской, Маскоўскай і Наўгародскай губерняў.

Род паходзіць ад легендарнага выхадца «з немец» мужа сумленнага Радшы. Некаторыя даследчыкі атаясамляюць яго з Ратмірам, служкам Аляксандра Неўскага. Таксама адным з продкаў роду лічаць наўгародскага віцязя Гаўрылу Алексіча, яшчэ аднаго паплечніка Неўскага. Іх нашчадак у 7-м калене, Рыгор Аляксандравіч, празваны «Гармата», быў родапачынальнікам Пушкіных. Аб службе родапачынальніка нічога невядома, але паколькі адзін з яго сыноў быў баярынам, Рыгор быў выдатным служылым чалавекам, які валодаў вялікімі вотчынамі.

Галіны

Род досыць рана падзяліўся на мноства галін, шматлікія з якіх схуднелі. Ад пятага з 7 сыноў родапачынальніка пайшлі 5 асноўных галін роду:

• Старэйшая галіна Пушкіных (наўгародская), нашчадкі Аляксандра Рыгоравіча Пушкіна;
  • Баярцавы;
  • Шарапавы;
• Сярэдняя галіна Пушкіных, нашчадкі Мікіты Рыгоравіча Пушкіна;
  • Курчавы;
  • Ражновы;
• Уліціны-Пушкіны, нашчадкі Васіля Рыгоравіча Уліты;
  • Мусіны-Пушкіны;
    • графы Мусіны-Пушкіны;
      • Мусін-Пушкін, Апалос Апалосавіч;
  • Калагрывавы;
    • Павадовы;
  • Бабрышчавы-Пушкіны;
  • Шаферыковы-Пушкіны;
• Таварковы, нашчадкі Фядора Рыгоравіча Таварка;
• Малодшая галіна Пушкіных, нашчадкі Канстанціна Рыгоравіча Пушкіна.

Адгалінаваннем роду таксама лічацца Ждан-Пушкіны.

Найбольш вядомыя

• Васіль Цімафеевіч, ездзіў у 1495 у Вялікае Княства Літоўскае ў свіце вялікай князёўны Алены Іванаўны.
• Астафій Міхайлавіч Пушкін быў паслом у Рэч Паспалітую (1581), вёў перамовы з Пасевінам, у 1592 быў пасланы ў Нарву для перамоў са шведскімі пасламі, пры Гадунове ўзведзены ў думныя дваране і прызначаны ваяводам у Табольск (? — 1602).
• Іван Міхайлавіч Вялікі (? — 1612) быў маскоўскім лоўчым і думным дваранінам
• Мікіта Міхайлавіч (? — 1622) — акольнічы
• Гаўрыіл Рыгоравіч Пушкін — сакольнічы ў Лжэдзмітрыя І;
• Рыгор Гаўрылавіч Пушкін (? — 1656), сын папярэдняга, улюбёнец цара Аляксея Міхайлавіча, быў намеснікам ніжагародскім, паслом у Рэч Паспалітую (1650), баярынам і аружэйнічым.
• Мацвей і Якаў Сцяпанавічы, пляменнікі папярэдняга, былі баярамі пры Пятры Вялікім; з іх першы за ўдзел у змове сасланы ў Енісейск, а сын яго Фядор пакараны.

Галіна, з якой паходзіў Аляксандр Пушкін, вылучылася ў сярэдзіне XVI ст.; члены гэтай — малодшай у родзе — галіны не падымаліся вышэй звання стольніка, і толькі Іван Фёдаравіч Кукіш быў акольнічым.

Радавод

[Рыгор Аляксандравіч Пушкін](/Рыгор_Аляксандравіч_Пушкін "Рыгор Аляксандравіч Пушкін")
 │
 ├──>Аляксандр 
 │       └─>[Старэйшая галіна Пушкіных](/Старэйшая_галіна_Пушкіных "Старэйшая галіна Пушкіных")
 │
 ├──>Мікіта
 │       └─>[Сярэдняя галіна Пушкіных](/Сярэдняя_галіна_Пушкіных "Сярэдняя галіна Пушкіных")
 │
 ├──>Васіль Уліта
 │       └─>[Уліціны-Пушкіны](/Уліціны-Пушкіны "Уліціны-Пушкіны")
 │
 ├──>Фёдар Таварак
 │       └─>[Таваркавы](/Таваркавы "Таваркавы")
 │
 ├──>Канстанцін
 │       └─>[Малодшая галіна Пушкіных](/Малодшая_галіна_Пушкіных "Малодшая галіна Пушкіных")
 │
 ├──>Андрэй, бяздзетны
 │
 └──>Іван, бяздзетны

Спасылкі

• Генеалогія Пушкіных

Тэмы гэтай старонкі (2):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Пушкіны