Прэшаў (славацк.: Prešov, укр.: Пряшів, венг.: Eperjes, ням.: Preschau, Eperies) — горад у паўночна-ўсходняй Славакіі, заснаваны на злучэнні рэк Тарыса і Секчоў ля падножжа горных масіваў Сланске Врхі і Шарышска Врховіна ў Кошыцкай упадзіне.
Прэшаў — трэці па велічыні горад Славакіі і налічвае 84 000 жыхароў. Горад з’яўляецца адміністрацыйным цэнтрам аднайменнага Прэшаўскага края. Тут таксама знаходзіцца адзін з найбуйнейшых у Славакіі Прэшаўскі ўніверсітэт.