Прэмія імя Е. Міровіча — тэатральная прэмія Беларусі. Заснавана ў 1992 годзе Міністэрствам культуры Беларусі і Беларускім саюзам тэатральных дзеячаў. Прысуджаецца раз у 2 гады рэжысёрам, драматургам, сцэнографам, кампазітарам, балетмайстрам за яркія творчыя дасягненні ў беларускім тэатральным мастацтве. Названа ў гонар беларускага драматурга і тэатральнага рэжысёра Еўсцігнея Міровіча.