wd wp Пошук: ⬜

Пол Скоўлз

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Пол Ааран Скоўлз (англ.: Paul Aaron Scholes; 16 лістапада 1974 года, Солфард, Англія) — былы англійскі футбаліст, які ўсю сваю кар’еру выступаў за клуб «Манчэстэр Юнайтэд» на пазіцыі цэнтральнага паўабаронцы. Былы ігрок нацыянальнай зборнай Англіі. Адзін з найлепшых ігракоў свайго пакалення[4].

Скоўлз сем гадоў гуляў за зборную Англіі. Ён удзельнічаў у чатырох вялікіх спаборніцтвах — чэмпіянатах свету 1998 і 2002 гадоў, а таксама ў чэмпіянатах Еўропы 2000 і 2004 гадоў. Пасля Еўра-2004 Скоўлз абвясціў аб завяршэнні сваёй кар’еры ў зборнай, матываваўшы гэта жаданнем засяродзіцца на клубнай кар’еры, а акрамя таго, больш часу праводзіць з сям’ёй.

У канцы сезону 2010/11 Пол скончыў сваю спартыўную кар’еру, аднак 8 студзеня 2012 года было абвешчана, што Пол Скоўлз вяртаецца ў «Манчэстэр Юнайтэд» у якасці іграка да завяршэння сезону 2011/12 [5]. Аднак 8 студзеня 2012 года вырашыў застацца ў клубе ў якасці іграка да мая 2013 года[6].

Кар’ера

Пол Скоўлз пачаў трэніравацца з «Манчэстэр Юнайтэд» у 14 гадоў. Насуперак распаўсюджанаму меркаванню, ён не быў членам моладзевай каманды, якая выйграла ў 1992 годзе Моладзевы кубак Англіі. Зрэшты, у наступным сезоне ён дайшоў са сваёй камандай да фіналу. Прафесійная кар’ера Скоўлза ў «Манчэстэр Юнайтэд» пачалася 23 ліпеня 1993 года, аднак на поле ён упершыню выйшаў толькі ў сезоне 1994/95. Яго дэбют адбыўся 21 верасня 1994 года ў матчы Кубка лігі супраць «Порт Вейл».

Трэнерская кар’ера

У лютым 2019 года стаў галоўным трэнерам клуба «Олдэм Атлетык», за які заўзеў з дзяцінства[7], аднак ужо ў сакавіку пакінуў пасаду, правёўшы ў якасці трэнера сем матчаў і атрымаўшы адну перамогу.

Асабістае жыццё

Пол Скоўлз жыве ў Олдэме са сваёй сям’ёй — жонкай Клэр і трыма дзецьмі, Ааранам, Алісіяй і Эйдэнам. Многія адзначаюць у характары Скоўлза незвычайную сціпласць і высокую адданасць гульні[8]. У яго няма асабістага агента, як у большасці футбалістаў, і ўсе перамовы ён вядзе сам. Ён рэдка дае інтэрв’ю і амаль не падпісвае рэкламных кантрактаў.

Дасягненні

Манчэстэр Юнайтэд:

Чэмпіён Англіі (10): 1996, 1997, 1999, 2000, 2001, 2003, 2007, 2008, 2009, 2011
Уладальнік Кубка Англіі (3): 1996, 1999, 2004
Уладальнік Кубка Футбольнай лігі (2): 2009, 2010
Пераможца Лігі чэмпіёнаў (2): 1999, 2008
Уладальнік Суперкубка Англіі (5): 1996, 1997, 2003, 2008, 2010
Уладальнік Міжкантынентальнага кубка: 1999
Пераможца Клубнага чэмпіянату свету: 2008

Зноскі

↑ Paul Scholes // Transfermarkt — 2000. Праверана 9 кастрычніка 2017.
↑ Paul Scholes // FBref.com
↑ http://www.transfermarkt.co.uk/paul-scholes/profil/spieler/3397
↑ Stuart Mathieson. Scholes sticks to his guns.
↑ Scholes rejoins United
↑ Sir Alex Ferguson’s Old Trafford farewell in pictures. BBC
↑ Скоулз возглавил «Олдхэм» из 4-го дивизиона Англии. Он болеет за клуб с детства. by.tribuna.com
↑ Ian Ladyman. Scholes has proved that you don’t have to be flash to be a legend in the Premiership.

Спасылкі

На Вікісховішчы ёсць медыяфайлы па тэме Пол Скоўлз
Профіль на сайце transfermarkt.com (англ.)
Статыстыка на сайце National Football Teams (англ.)
Профіль на сайце soccerway.com (руск.)
Статыстыка на сайце UEFA.com (руск.)
Статыстыка на сайце FIFA (англ.)
Статыстыка на сайце soccerbase.com (англ.)