Пол Мак-Картні (англ.: James Paul McCartney; нар. 18 чэрвеня 1942, Ліверпуль, Англія) — англійскі рок-музыкант, кампазітар, спявак.
З 1959 да 1970 працаваў у складзе «The Beatles» (англ.: The Beatles), дзе граў на бас-гітары і спяваў. Пасля распаду групы пачаў паспяховую сольную кар’еру, якую працягвае да нашага часу. З сольных альбомаў Мак-Картні можна выдзяліць Band on the Run («Ансамбль у руху», 1973) і Off the Ground («Па-над зямлёй», 1993). Асноўная рыса твораў Мак-Картні — іх выключны меладызм. Такія песні як Yesterday («Учора», 1965), Let It Be («Няхай будзе так», 1970) і Mull of Kintyre («Востраў Кінтайр», 1977) па праву лічацца вяршынямі музычнай лірыкі XX ст. У адзнаку заслуг Мак-Картні ўзнагароджаны ордэнам Брытанскай Імперыі ў 1965 і атрымаў тытул рыцара ў 1997.