Поль Відаль дэ ла Блаш (фр.: Paul Vidal de la Blache; 22 студзеня 1845, г. Пезнас, Францыя — 5 красавіка 1918) — французскі географ. Заснавальнік французскай геаграфічнай школы.
Даследаванні ў галіне фізічнай геаграфіі і геаграфіі насельніцтва. Аўтар вялікага атласа па геаграфіі і гісторыі свету (карты па старажытнай, сярэдніх вякоў і новай гісторыі, геаграфіі мацерыкоў і краін). Навуковыя працы абагульнены ў кнізе «Прынцыпы геаграфіі чалавека» (1922). Па яго ідэі і пад яго кіраўніцтвам пачата падрыхтоўка шматтомнай працы па сусветнай геаграфіі.