Плі́саўка — рака ў Беларусі, у Пастаўскім раёне Віцебскай вобласці, правы прыток ракі Галбіца (басейн Заходняй Дзвіны).
Даўжыня ракі 14 км[2]. Плошча вадазбору 49 км². Сярэдні нахіл воднай паверхні 2 м/км. Выцякае з возера Пліса за 2 км на паўночны ўсход ад вёскі Луцк Казлоўскі, вусце каля вёскі Піскуны. Цячэ па паўднёва-заходняй частцы Полацкай нізіны. Рэчышча ад вытоку на працягу 12,3 км каналізаванае.