Плясна́, Гразь, Гнойніца — рака ў Чавускім раёне Магілёўскай вобласці Беларусі, левы прыток ракі Раста (басейн Дняпра).
Даўжыня ракі 24 км. Плошча вадазбору 64 км². Пачынаецца за 1,4 км у напрамку на паўночны ўсход ад вёскі Хаўмы, упадае ў Расту за 1 км на захад ад аграгарадка Вайнілы. Вадазбор у межах Аршанска-Магілёўскай раўніны. Рэчышча часткова каналізаванае (на працягу 9,6 км ад вёскі Благавічы[1]).
Каля ракі населеныя пункты: Хаўмы, Каласоўшчына, Машок, Благавічы, Удоўск, Самулкі[2]. Каля вёскі Благавічы на рацэ плаціна і сажалка[2].