Паўднёвы Хараса́н (перс.: خراسان جنوبی Xorâsân-e Janubi, тадж.: Устони Хуросони) — правінцыя (астан), размешчаная ва ўсходнім Іране. Адміністрацыйны цэнтр — Бірджэнд, іншыя буйныя гарады — Каен (33 тыс.), Фердоус (25 тыс.), Башруе (14 тыс.).
Паўднёвы Харасан — адна з трох правінцый, якія былі створаны пасля падзелу Харасанa у 2004. Плошча — 69 555 км²[2], насельніцтва — 636 420 чалавек[2] (2006), вялікая частка персы, а таксама белуджы, пуштуны і таджыкі.