Пуштуны, паштуны (пушту: پښتون зах. [paʂtun], усх. [paxtun], перс.: پختون [pæχtun], урду: پٹھان, хіндзі: पठान paṭhān [pəʈʰaːn]) або афганцы (перс.: افغانی [æfʁɒːniː]) — іранскі народ, які насяляе галоўным чынам паўднёвы ўсход, поўдзень і паўднёвы захад Афганістана і паўночны захад Пакістана, асноўнымі адметнымі характарыстыкамі якога служаць усходнеіранская мова пушту, традыцыі намадызму, кодэкс гонару Пуштунвалай[12] і разгалінаваная рода-племянная структура[13]. Дакладная колькасць пуштунаў не можа быць падлічана з прычыны адсутнасці перапісаў у Афганістане з 1979 года, але прыблізна яна ацэньваецца ў 42 млн чал.[14], з іх толькі каля 30 % пражывае ў Афганістане, дзе пуштуны — вядучы і дамінантны этнас краіны.