Пацэ́я — рака ў Слаўгарадскім раёне Магілёўскай вобласці Беларусі, левы прыток ракі Касалянка (прыток ракі Сож).
Даўжыня ракі 22 км. Плошча вадазбору 117 км². Сярэдні нахіл воднай паверхні 1,1 м/км. Пачынаецца каля вёскі Церахоўка, упадае ў Касалянку прыкладна за 1,5 км у напрамку на поўдзень ад вёскі Слаўня. Рэчышча каналізаванае ў верхнім і сярэднім цячэнні. Каля вёскі Лебядзёўка на рацэ сажалка.