«Парывы жадання» (фр.: Mouvements du désir) — мастацкі фільм 1994 года рэжысёркі Леа Пул. Галоўныя ролі выканалі Жан-Франсуа Пішэт[en] і Валеры Капрыскі[en]. Сумесная вытворчасць Канады, Францыі, Швейцарыі[2].
Ён — малады праграміст, які атрымаў новую цікавую працу і з упэўненасцю глядзіць у будучыню. Яна — піяністка, самотная маладая жанчына з маленькай дачкой, якая ўцякае ад свайго мінулага. Яны абое едуць у цягніку «Манрэаль — Ванкувер», спадзеючыся, што іх жыццё зменіцца да лепшага. Аднак, яны не падазраюць, што мяняцца яно пачало ў момант іх выпадковай сустрэчы на вакзале. І вось яна ўжо не шэпча па начах імя свайго першага і адзінага палюбоўніка, а ён увесь час шукае сустрэчы — у тамбуры, у рэстаране, на пероне станцый. І ў іх ёсць амаль чацвёра сутак падарожжа, каб зразумець — яны створаны адзін для аднаго…