Парасі́ца — рака ў Горацкім раёне Магілёўскай вобласці, левы прыток ракі Проня (вадазбор Дняпра).
Даўжыня ракі 26 км. Плошча вадазбору 112 км². Сярэдні нахіл воднай паверхні 1,8 м/км. Пачынаецца на схілах Смаленскага ўзвышша за 1,5 км у напрамку на паўночны захад ад вёскі Куртасы, вусце ў межах горада Горкі. На паўночнай ускраіне Горак і каля вёскі Шышава плаціны і сажалкі (каля вёсак Шышава і Нежкава — вадасховішча Нежкава[1]). Асноўны прыток — Альхоўка (упадае злева паміж вёскамі Лугіны і Філіпава).