Панаджы (Канкані पणजी, англ.: Panaji, парт.: Pangim) — сталіца самага маленькага індыйскага штата Гоа. Размешчаны ў вусці ракі Мандові. З насельніцтвам 58 785 чалавек Панаджы з’яўляецца 3-м па насельніцтве горадам штата Гоа пасля Маргаа і Васка-да-Гама.
У снежні 1961 года, пасля заканчэння партугальскага каляніяльнага праўлення Панаджы разам з астатняй тэрыторыяй Гоа быў уключаны ў склад Індыі. У перыяд паміж 1961—1987 гг. Панаджы з’яўляўся сталіцай саюзнай тэрыторыі Гоа, Даман і Дыу. З мая 1987 года стаў сталіцай штата Гоа і адміністрацыйным цэнтрам Паўночнага раёна Гоа. Упершыню згадваецца ў 1107 годзе.