«Па́мяць стаго́ддзяў» (руск.: Память столетий) — беларускі кароткаметражны дакументальны фільм, зняты на кінастудыі «Беларусьфільм» (творчае аб’яднанне «Летапіс») у 1982 годзе.[1]
Фільм аб беларускіх звычаях і каляндарных абрадах восені і зімы, якія захаваліся ў вёсках Палесся і Паазер’я.
Аўтарскі калектыў у складзе З. Мажэйка, Н. Савы і А. Шклярэўскага за стварэнне цыкла музычна-этнаграфічных кінафільмаў (у т. л. «Памяць стагоддзяў») у 1994 годзе атрымаў Дзяржаўную прэмію Рэспублікі Беларусь.