Паляўской (руск.: Полевской) — горад (з 1942) у у Свярдлоўскай вобласці Расіі. Насельніцтва 66,2 тыс. чал. (2005). Заснаваны ў 1718 годзе.
Горад размешчаны за 8 км ад чыгуначнай станцыі Паляўской (на лініі Екацярынбург — Чалябінск), за 40 км на паўднёвы захад ад Екацярынбурга.
Развітая металургічная і хімічная прамысловасць. Северскі трубны завод (належыць Трубнай металургічнай кампаніі) выпускае трубы, якасную сталь і луджаную жэсць. Ёсць заводы: па вытворчасці керамаграніта, крыалітавы, машынабудаўнічы, мармуровых вырабаў, жалезабетонных вырабаў, дакладных сплаваў і інш.