Палаво́йка — рака ў Беларусі, у Смаргонскім раёне Гродзенскай вобласці, правы прыток ракі Вілія (басейн Нёмана).
Даўжыня ракі 14 км[1]. Плошча вадазбору 48 км². Сярэдні нахіл воднай паверхні 3,4 ‰. Пачынаецца каля вёскі Пастарыні 1, упадае ў Вілію каля аграгарадка Жодзішкі. У вярхоўі пойма забалочаная. Рэчышча каналізаванае. Каля вёскі Малінавая на рацэ створана сажалка (плошча 0,23 км²).