wd wp Пошук: ⬜

Оўэн Уілсан

Оўэн Канінгем Уілсан (англ.: Owen Cunningham Wilson, нар. 18 лістапада 1968, Далас, Тэхас, ЗША) — амерыканскі акцёр

Біяграфія

Оўэн — адзін з трох галівудскіх братоў Уілсанаў, апроч яго — яго родныя браты Люк і Эндру Уілсаны.[4] Ён нарадзіўся ў Даласе, штат Тэхас. Бацька Оўэна — Роберт Уілсан (нар. 1941), матка — Лаура Ўілсан (нар. 1939). Першыя яго крокі ў кіно і на тэлебачанні не выклікалі асаблівага ажыятажу. Кар’ернаму росту спрыяла сустрэча з Бэнам Стылерам, у далейшым сябрам Уілсана, які пачаў запрашаць Оўэна да ўдзелу практычна ва ўсіх сваіх праектах: («Узорны самец», «Знаёмства з бацькамі», «Забойная парачка: Старскі і Хатч», «Ноч у музеі»). Акрамя таго, малады акцёр з’яўляўся ў ролях другога плана ў такіх блокбастарах, як «Армагедон».

Да 2000 годзе Оўэн Уілсан быў дастаткова вядомы амерыканскай публіцы, каб прадзюсары прынялі рашэнне ўзяць яго на ролю напарніка Джэкі Чана ў камедыйным вестэрне «Шанхайскі поўдзень», і яго сіквеле — «Шанхайскія рыцары». У 2001 годзе Уілсан быў намінаваны на «Оскар» за сцэнарый трагікамедыі «Сямейка Тэненбаўм», напісаны разам з сябрам і пастаянным суаўтарам Уэсам Андэрсанам, а ў 2005 годзе сыграў галоўную ролю ў самай касавай камедыі года — «Няпрошаныя госці», якая забяспечыла яму месца ў вышэйшай лізе галівудскіх акцёраў камічнага амплуа.

Наступны камедыйны праект у 2006 годзе — «Ён, я і яго сябры» — распрацоўваўся цалкам пад Оўэна Уілсана. У тым жа годзе агучыў аднаго з персанажаў мультфільма «Тачкі».

Асабістае жыццё

Сустракаўся з актрысай Кейт Хадсан.

26 жніўня 2007 года Уілсан быў дастаўлены ў бальніцу Санта-Монікі пасля спробы самагубствы.[5] Паводле паведамленняў прэсы, акцёр прыняў вялікую колькасць лекаў, пасля чаго ўскрыў сабе вены на абодвух запясцях. Прычынай гэтага быў разрыў адносін з Кейт Хадсан.[6] Праз некаторы час яны зноў аднавілі іх, але потым пара абвясціла пра сваё канчатковае растанне.

У студзені 2011 года акцёр і яго сяброўка Джэйд Дуэл заявілі, што чакаюць першынца[7]. 14 студзеня 2011 года ў пары нарадзіўся сын, хлопчыка назвалі Роберт Форд[8].

Абраная фільмаграфія

Акцёр

Год		Беларуская назва	Арыгінальная назва	Роля
1996	ф	Бутэлькавая ракета	Bottle Rocket	Дыгнан
1996	ф	Кабельшчык	The Cable Guy	хлопец на спатканні з Робін
1997	ф	Анаконда	Anaconda	Гэры Дыксан
1998	ф	Армагедон	Armageddon	Оскар
1998	ф	Вечная поўнач	Permanent Midnight	Нікі
1999	ф	Здань дома на ўзгорку	The Haunting	Люк Сандэрсан
1999	ф	Сняданак чэмпіёнаў	Breakfast of Champions	Монтэ Рапід
1999	тф	Цеплавое бачанне і Джэк	Heat Vision and Jack	голас цеплавога бачання
1999	ф	Пазбаўлены жыцця	The Minus Man	Ван Сьеджэрт
2000	ф	Знаёмства з бацькамі	Meet the Parents	Кевін Рэўлей
2000	ф	Шанхайскі поўдзень	Shanghai Noon	Рой О`Бэнан
2001	ф	У тыле ворага	Behind Enemy Lines	штурман лейтэнант Крыс Бернет
2001	ф	Узорны самец	Zoolander	Хэнсел
2001	ф	Сямейка Тэненбаўм	The Royal Tenenbaums	Элай Кэш
2002	ф	Ашукаць усіх	I Spy	спецыяльны агент Алекс Скот
2003	ф	Шанхайскія рыцары	Shanghai Knights	Рой О`Бэнан
2004	ф	Вакол свету за 80 дзён	Around the World in 80 Days	Уілбер Райт
2004	ф	Знаёмства з Факерамі	Meet the Fockers	Кевін Рэўлей
2004	ф	Вялікі крадзеж	The Big Bounce	Джэк Раян
2004	ф	Воднае жыццё	The Life Aquatic with Steve Zissou	Нед Плімптан
2004	ф	Забойная парачка: Старскі і Хатч	Starsky & Hutch	Кен Хатчынсан
2005	ф	Гісторыя Уэндэла	The Wendell Baker Story	Ніл Кінг
2005	ф	Няпрошаныя госці	Wedding Crashers	Джон Беквіт
2006	ф	Ноч у музеі	Night at the Museum	Джэдзідая
2006	ф	Ён, я і яго сябры	You, Me and Dupree	Рэндзі Дзюпры
2006	мф	Тачкі	Cars	Маланка Мак-Куін
2007	ф	Цягнік на Дарджылінг	The Darjeeling Limited	Фрэнсіс Уайтман
2008	ф	Школа выжывання	Drillbit Taylor	Боб «Дрылбіт» Тэйлар
2008	ф	Марлі і я	Marley & Me	Джон Гроган
2009	ф	Ноч у музеі 2	Night at the Museum: Battle of the Smithsonian	Джэдзідая
2009	мф	Цудоўны містар Фокс	Fantastic Mr. Fox	трэнер Скіп
2010	ф	Мармадзюк	Marmaduke	Мармадзюк
2010	ф	Хто ведае...	How Do You Know	Мэці
2010	ф	Знаёмства з Факерамі 2	Little Fockers	Кевін Рэўлей
2011	ф	Бясшлюбны тыдзень	Hall Pass	Рык
2011	ф	Поўнач у Парыжы	Midnight in Paris	Гіл Пендэр
2011	мф	Тачкі 2	Cars 2	Маланка Мак-Куін
2011	ф	Вялікі год	The Big Year	Кені Бостык
2013	ф	Кадры	The Internship	Нік
2013	мф	Індыкі: Назад у будучыню	Free Birds	Рэджы
2014	ф	Гатэль «Гранд Будапешт»	The Grand Budapest Hotel

Прадзюсар

Год		Беларуская назва	Арыгінальная назва	Роля
1998	ф	Акадэмія Рашмар	Rushmore	прадзюсар
2001	ф	Сямейка Тэненбаўм	The Royal Tenenbaums	выканаўчы прадзюсар
2006	ф	Ён, я і яго сябры	You, Me and Dupree	прадзюсар

Сцэнарыст

Год		Беларуская назва	Арыгінальная назва	Роля
1996	ф	Бутэлькавая ракета	Bottle Rocket	сцэнарыст
1998	ф	Акадэмія Рашмар	Rushmore	сцэнарыст
2001	ф	Сямейка Тэненбаўм	The Royal Tenenbaums	сцэнарыст

Зноскі

↑ Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #130301523 // Агульны нарматыўны кантроль — 2012—2016. Праверана 21 ліпеня 2015.
↑ Owen Wilson // SNAC — 2010. Праверана 9 кастрычніка 2017.
↑ Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #130301523 // Агульны нарматыўны кантроль — 2012—2016. Праверана 11 снежня 2014.
↑ filmreference.com biography
↑ Owen Wilson Suicide Attempt Confirmed — MTV Movie News| MTV
↑ Owen Wilson: Battling Depression (нявызн.), Newsweek (14 кастрычніка 2007). Праверана 14 чэрвеня 2008.
↑ Оўэн Уілсан рыхтуецца стаць бацькам(руск.) . Архівавана з першакрыніцы 22 лютага 2012. Праверана 15 студзеня 2011.
↑ Spletnik - Роберт Форд: Оўэн Уілсан даў імя сыну Архівавана 23 студзеня 2011.

Спасылкі

Оўэн Уілсан на сайце «Internet Movie Database» (англ.)
Оўэн Уілсан на сайце People.com