Офенбург (ням.: Offenburg, алем.: Offäburg) — горад у Германіі, у зямлі Бадэн-Вюртэмберг, размешчаны за 20 км на паўднёвы ўсход ад Страсбура, у ваколіцах ракі Рэйн. Офенбург — адміністрацыйны цэнтр і найбуйнейшы горад раёна Артэнаў. Офенбург размешчаны прыкладна на сярэдзіне паміж гарадамі Карлсруэ (прыкладна 66 км на поўнач) і Фрайбург (прыкладна 54 км на поўдзень). Першыя дакументальныя згадкі пра горад датуюцца 1148 годам. У 1240 годзе Офенбург згадваецца як незалежны імперскі горад, гэты статус горад захоўваў да XIX стагоддзя.