Нітэ́ла[1] (Nitella) — род харавых водарасцей сямейства Нітэлавыя.
Талом кусціста-разгалінаваны, ніткападобны, даўжынёй да 1 м. Да грунту водарасці мацуюцца рызоідамі. Асноўныя парасткі і галінкі з доўгімі (да 25 см) аднаклетачнымі міжвузеллямі і шматклетачнымі вузламі. Размнажэнне вегетатыўнае і палавое.
Род налічвае больш за 100[1] відаў. Водарасці роду Нітэла пашыраны ў азёрах і апрэсненых частках мораў. Растуць пераважна на мяккіх ілістых грунтах у стаячай і чыстай вадзе.
Від нітэла грацыёзная (Nitella gracilis) занесены ў Чырвоную кнігу Рэспублікі Беларусь, ахоўваецца ў Літве і Польшчы[2].