Нойбрандэнбург (ням.: Neubrandenburg) — горад у Германіі, у зямлі Мекленбург-Пярэдняя Памеранія. Уваходзіць у склад раёна Мекленбургскае Паазер’е.
Горад знаходзіцца каля Даленскага возера (Талензэ) і займае плошчу ў 85,65 км²; падзяляецца на 10 гарадскіх раёнаў. Колькасць насельніцтва горада, паводле ацэнкі на 31 снежня 2013 года, — 63 437 чалавек. Нойбрандэнбург называюць «Горадам чатырох варот» у гонар гарадскіх варот крэпасці (Трэптаўскія, Штаргардскія, Фрыдландскія і Новыя).
Афіцыйны код — 13 0 02 000.