Новаваронеж (руск.: Нововоронеж) — горад (з 1987 года) у Расіі, у складзе Варонежскай вобласці. Насельніцтва 36,3 тыс. чалавек (2005). Заснаваны ў 1954 годзе як пасёлак гарадскога тыпу Нова-Грэсаўскі ў сувязі з будаўніцтвам Нова-Варонежскай АЭС. Новаваронеж з’яўляецца горадам асобага функцыянальнага прызначэння федэральнай значнасці з асобым рэжымам гаспадарчай дзейнасці. Размешчаны на левым беразе Дона, за 55 км ад Варонежа.
Атамная прамысловасць — аснова эканомікі горада, таксама прадстаўлены радыёпрамысловасць, вытворчасць будматэрыялаў, харчовая прамысловасць.