Не́дайскі сельсавет — былая адміністрацыйна-тэрытарыяльная адзінка ў складзе Буда-Кашалёўскага раёна Гомельскай вобласці. Цэнтр — вёска Недайка.
Утвораны 20 жніўня 1924 года ў складзе Буда-Кашалёўскага раёна Бабруйскай акругі БССР. З 27 кастрычніка 1927 года ў складзе Гомельскай акругі. Пасля скасавання акруговай сістэмы 26 ліпеня 1930 года ў Буда-Кашалёўскім раёне БССР. З 20 лютага 1938 года ў складзе Гомельскай вобласці. 5 жніўня 1996 года цэнтр сельсавет перанесены ў вёску Старая Буда, сельсавет перайменаваны ў Старабудскі.
У склад Недайскага сельсавета ўваходзілі: да 1930 года — пасёлак Доўгія, да 1936 года — пасёлкі Новая Недайка і Пакроўск, да 1955 года — пасёлак Новыя Рэйкі, да 1969 года — пасёлкі Новая Сямёнаўка, Янаўка.