Небула (англ.: Nebula — Туманнасць) — персанаж і касмічная суперзлодейка коміксаў выдавецтва Marvel Comics. Небула была створана Роджэрам Стэрнам і Джонам Бушемай, а яе першае з’яўленне адбылося ў Avengers #257 (Ліпень, 1985). Яна — касмічны пірат і наймітка, якая часта выступае ў якасці антаганіста Срэбнага Сёрфера і Мсціўцаў.
Па-за коміксамі Небула з’яўляецца і ў іншых прадуктах Marvel, у тым ліку на тэлебачанні і ў відэагульнях. У фільмах «Вартавыя Галактыкі» і «Вартавыя Галактыкі 2» яе ролю выканала актрыса Карэн Гілан[1].