Нагаро́давічы[1] (трансліт.: Naharodavičy, руск.: Нагородовичи) — вёска ў Дзятлаўскім раёне Гродзенскай вобласці. Уваходзіць у склад Жукоўшчынскага сельсавета.
Нагародавічы ў XVI — пачатку XVII ст. уласнасць сям’і Вельямінаў-Руцкіх. «Слоўнік геаграфічны…» піша, што тут адбыўся першы з’езд уніяцкай капітулы пад кіраўніцтвам мітрапаліта Іосіфа Руцкога. Першая драўляная царква была так сама пабудавана мітрапалітам Руцкім, аб чым сведчылі дакументы якія знаходзіліся ў царкве яшчэ на пачатку XX ст. Пра царкву «Слоўнік геаграфічны…» паведамляе, што да перабудовы 1894 г. яна захоўвала свой першапачатковы выгляд[2].
З 1944 года ў складзе Гродзенскай вобласці БССР. У 1954—1972 гадах цэнтр Нагародавіцкага сельсавета[3][4].