Навакуйбышаўск[2] (руск.: Новокуйбышевск) — горад (з 1952 года) у Расіі, гарадская акруга ў складзе Самарскай вобласці. Насельніцтва 111,0 тыс. чалавек (2008). Заснаваны ў 1946 годзе.
Размешчаны на левым беразе Волгі (за 6 км ад ракі), за 5 км ад чыгуначнай станцыі Куйбышаўскай чыгункі Навакуйбышаўская.
У горадзе развіта перапрацоўка нафты: ААТ «Куйбышаўнафтааргсінтэз», Навакуйбышаўскі нафтаперапрацоўчы завод), вытворчасць нафтахімічнай прадукцыі (Навакуйбышаўская нафтахімічная кампанія, Навакуйбышаўскі вопытны завод арганічнага сінтэзу), вытворчасць каталізатараў для нафтаперапрацоўкі і нафтахіміі (Навакуйбышаўскі завод каталізатараў), вытворчасць прадуктаў арганічнага сінтэзу (ТАА «Самарааргсінтэз»; ЗАТ «Нафтахімія» «Рэнова-Аргсінтэз»), будаўніцтва магістральных трубаправодаў, вытворчасць палімерных матэрыялаў і вырабаў, харчовая і лёгкая прамысловасць, а таксама вытворчасць электраэнергіі.