У Вікіпедыі ёсць артыкулы пра іншых асоб з прозвішчам Лікі.
Міў Лікі (англ.: Meave Leakey, нар. 28 ліпеня 1942 г., Лондан) — брытанскі і кенійскі заолаг і палеаантрополаг, аўтар многіх антрапагенетычных адкрыццяў, жонка Рычарда Лікі.
У 1965 годзе скончыла ўніверсітэт Паўночнага Уэльса ў Бангоры, дзе вывучала заалогію. Наступныя два гады працавала ў Цэнтры прыматаў у Цігоні, па запрашэнню Луіса Лікі. Вывучала марфалогію пярэдніх канечнасцяў малпаў Усходняй Афрыкі. У 1968 г. ва ўніверсітэце Уэльса атрымала Доктарскую ступень па заалогіі. У 1969 пачала працу ў атрадзе Рычарда Лікі ў раёне возера Туркана, у 1970 годзе Міў і Рычард пажаніліся.
З 1989 года ўзначальвае экспедыцыйную работу па пошуку рэшткаў старажытнага чалавека, у 1990-х узначаліла аддзел палеанталогіі ў Нацыянальным музеі Кеніі.
Найбольш значная яе знаходка — выяўлены ў 1995 годзе Australopithecus anamensis, якая датыроўкай ў 4,1 млн гадоў адсунула час паходжання аўстралапітэкаў і прамахаджэння яшчэ на паўмільёна гадоў.