wd wp Пошук: ⬜

Міхаіл Львовіч Гебелеў

У Вікіпедыі ёсць артыкулы пра іншых асоб з прозвішчам Гебелеў. Міхаіл Львовіч Гебелеў (15 кастрычніка 1905, в. Узляны, Ігуменскі павет, Мінская губерня (цяпер Пухавіцкі раён, Мінская вобласць) — 15 жніўня 1942, Мінск) — адзін з кіраўнікоў камуністычнага падполля ў Мінску.

Біяграфія

Працаваў столярам на заводзе імя Молатава, пасля заканчэння Рэспубліканскай школы прапагандыстаў пры ЦК КП(б)Б — прапагандыстам, а потым інструктарам Сталінскага райкама КП(б)Б Мінска.

Падчас акупацыі ўзначаліў антыфашысцкі супраціў у Мінскім гета, з’яўляўся сакратаром Тэльманаўскага падпольнага райкама КП(б)Б Мінска, членам падпольнага гаркама. Адзін з арганізатараў першай падпольнай друкарні гаркама, наладжваў прыём і рапаўсюджанне зводак Саўінфармбюро, кіраваў аперацыяй па вываду вязняў гета ў партызанскія атрады. У ліпені 1942 года арыштаваны. Павешаны ў мінскай турме.

Зноскі

Літаратура

Гебелева С. М. Долгий путь к заветной улице. — Мн.: И. П. Логвинов, 2010. — 162 с. — ISBN 978-985-6901-78-5.
Розинский Г. Дети минского гетто. — Мн..

Спасылкі

Наталья ПАРХОМЧИК Выставка «Лагерь смерти Тростенец. История и память» приурочена к 25-летию установления дипломатических отношений между Беларусью и Германией(руск.) // Газета «Пухавіцкія навіны»