wd wp Пошук: ⬜

Міхаіл Васілевіч Падгайны

Міхаіл Васільевіч Падгайны (нар. 5 студзеня 1954, в. Ізбішча Пухавіцкага раёна, Мінская вобласць) — беларускі дзяржаўны дзеяч.

Біяграфія

Скончыў Мінскі радыётэхнічны інстытут (1971) і Акадэмію грамадскіх навук пры ЦК КПСС (1991). Працаваў інжынерам-тэхнолагам Мінскага вытворчага аб’яднання вылічальнай тэхнікі.

У 1977—1989 — працаваў у камсамоле, прайшоў шлях ад інструктара Савецкага райкама г. Мінска да сакратара ЦК ЛКСМБ.

У 1989—1991 — Быў інспектарам Мінскага абкама КПБ, другім сакратаром Першамайскага райкама КПБ г. Мінска.

У 1991—1995 —намеснік міністра культуры, старшыня Камітэта па справах моладзі пры Савеце Міністраў Беларусі.

У 1995—1996 — кіраўнік праграмы «Рэспубліканскі цэнтр інфармацыі ЮНЕСКА».

У 1996—1997 — начальнік галоўнага ўпраўлення грамадска-палітычнай інфармацыі Адміністрацыі прэзідэнта Рэспублікі Беларусь.

У 1997—2001 — старшыня Дзяржаўнага камітэта па друку.

У 2001—2003 — міністр інфармацыі Рэспублікі Беларусь.

У 2003—2004 — генеральны дырэктар рэспубліканскага аб’яднання «Белсаюздрук» Міністэрства інфармацыі.

Зноскі

Літаратура

Падгайны Міхаіл Васільевіч // Хто ёсць хто ў Беларусі / Укл.: Л. А. Андросік, В. Ф. Голубеў, К. А. Заброцкая [і інш.]. — Вільня, 2007. — 256 с. — С. 155.