wd wp Пошук: ⬜

Міхаіл Аляксандравіч Бакунін

Міхаіл Аляксандравіч Бакунін (1814, сяло Прамухіна, Наватаржоцкі павет, Цвярская губерня, Расійская імперыя —1876, Берн, Швейцарыя), расійскі рэвалюцыянер, тэарэтык анархізму, адзін з ідэолагаў рэвалюцыйнага народніцтва.

У 1830-х гадах член кружка М. Ул. Станкевіча. З 1840 за мяжой, удзельнік Рэвалюцыі 1848—1849 (Парыж, Дрэздэн, Прага). У 1849 арыштаваны ў Хемніцы, асуджаны саксонскім судом да пажыццёвага зняволення, потым выдадзены Аўстрыі, дзе таксама асуджаны да пажыццёвага зняволення. У 1851 выдадзены аўстрыйскімі ўладамі Расіі, пасаджаны ў Петрапаўлаўскую, затым у Шлісельбургскую крэпасць, з 1857 у сібірскай ссылцы. У 1861 збег за мяжу, супрацоўнічаў з А. І. Герцэнам і Н. П. Агаровым. Арганізатар тайнага рэвалюцыйнага таварыства «Інтэрнацыянальнае братэрства» (1864—1865) і «Альянсу сацыялістычнай дэмакратыі» (1868). З 1868 член 1-га Інтэрнацыяналу, выступаў супраць К. Маркса і яго прыхільнікаў, у 1872 выключаны рашэннем Гаагскага кангрэса. Праца Бакуніна «Дзяржаўнасць і анархія» (1873) аказала вялікі ўплыў на развіццё народніцкага руху ў Расіі.

Зноскі

1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118506102 // Агульны нарматыўны кантроль — 2012—2016. Праверана 13 жніўня 2015.
↑ Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
1 2 Русские писатели 1800—1917: Биографический словарь (русский) / пад рэд. P. Nikolayev — М.: Вялікая расійская энцыклапедыя, 1989. — Т. 1. — 672 с.
1 2 3 Краткая литературная энциклопедия — М.: Советская энциклопедия, 1962. — Т. 1.

Спасылкі

На Вікісховішчы ёсць медыяфайлы па тэме Міхаіл Аляксандравіч Бакунін
На хронасе
Магіла Міхаіла Бакуніна на сайце «Магілы знакамітасцей»
На сайце Народнай Волі
Жыццё і творчасць Бакуніна Міхаіла Аляксандравіча Архівавана 7 красавіка 2011.
Міхаіл Аляксандравіч Бакунін на «Радаводзе». Дрэва продкаў і нашчадкаў

Пры напісанні гэтага артыкула выкарыстоўваўся матэрыял з Энцыклапедычнага слоўніка Бракгаўза і Ефрона (1890—1907).