У Вікіпедыі ёсць артыкулы пра іншых асоб з прозвішчам Мілеўскі. Мі́хал Пё́тр Міле́ўскі (польск.: Michał Piotr Milewski; 5 снежня 1875, Сувалкі — 28 лістапада 1935, Варшава) — генерал брыгады Войска Польскага, велікапольскі паўстанец, удзельнік вайны з Савецкай Расіяй 1919—1920 гадоў.
Падчас I сусветнай вайны служыў афіцэрам у расійскім войску. Падчас велікапольскага паўстання кіраваў заходнім фронтам. Пасля сканчэння бітваў у Вялікай Польшчы ўзяў удзел у вайне з бальшавікамі на літоўска-беларускім фронце. 25 верасня 1921 прызначаны кіраўніком Ваеннае акругі Познань, пазней выконваў функцыі каменданта Ваеннае акругі Брэст. 17 сакавіка 1927 звольнены ў запас, канец жыцця правёў у Кельцах.