Мітрапо́льскі сельсавет — былая адміністрацыйна-тэрытарыяльная адзінка ў складзе Навагрудскага раёна Гродзенскай вобласці. Адміністрацыйны цэнтр — вёска Мітраполь.
Утвораны 12 кастрычніка 1940 года як Метрапольскі сельсавет у складзе Навагрудскага раёна Баранавіцкай вобласці БССР. Цэнтр — вёска Метраполь. З 8 студзеня 1954 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Драчылаўскага сельсавета[1]. 11 лютага 1972 года да сельсавета далучана тэрыторыя скасаванага Ладзеніцкага сельсавета[2]. 5 сакавіка 1985 года цэнтр сельсавета перайменаваны ў Мітраполь, а сельсавет у Мітрапольскі сельсавет. 22 снежня 1986 года ў сувязі з уключэннем вёскі Мітраполь у рысу горада Навагрудак цэнтр сельсавета перанесены ў вёску Ладзенікі, а сельсавет перайменаваны ў Ладзеніцкі сельсавет.