Мікула — князь у Полацкай зямлі ў 12 ст.
Пра Мікулу сведчыць імя па бацьку Усяслава Мікуліча, лагожскага (лагойскага) князя ў 1180 г. На думку Э. М. Загарульскага паданую ў працы 1994 г., Мікула быў братам ізяслаўльскага кн. Брачыслава[1], т.б. сынам Давыда Усяславіча, у наступнай сваёй працы ад 1998 г., даследчык ужо прытрымліваўся меркавання, што Мікула мог быць сынам ці ўнукам Глеба Усяславіча або гэта хрысціянскае імя Усевалада Глебавіча[2]. Да меркавання, што Мікула сын менскага кн. Глеба Усяславіча схіляецца В. Л. Насевіч. А. М. Рапаў мяркуе, што Мікула мог быць сынам ізяслаўльскага кн. Валодшы і валодаць удзелам у Ізяслаўльскім княстве.