У Вікіпедыі ёсць артыкулы пра іншых асоб з прозвішчам Богдан.
Мікалай Уладзіміравіч Богдан (14 студзеня 1943, п. Верасава, Конашскі раён, Архангельская вобласць, Расія — 15 жніўня 2001) — беларускі спецыяліст у галіне аўтамабіле- і трактарабудавання. Доктар тэхнічных навук (1986), прафесар (1989).
Скончыў Беларускі політэхнічны інстытут (1970; аспірантура, 1975).
Працаваў на Мінскім трактарным заводзе (1970—1972), Беларускім нацыянальным тэхнічным універсітэце (аўтатрактарны факультэт, у 1976—1994 — прафесар кафедры «Трактары», з 1994 — загадчык кафедры «Гідрапнеўмааўтаматыка і гідрапнеўмапрывад»).
Навуковыя інтарэсы: распрацоўка і канструяванне гідра- і пнеўмасістэм з электроннымі сродкамі кіравання для мабільных машын.
Дзяржаўная прэмія Рэспублікі Беларусь (1996).