У Вікіпедыі ёсць артыкулы пра іншых асоб з прозвішчам Сляскі. Мікалай Сляскі (польск.: Mikołaj Slaski, каля 1614, Мазовія – 20 ліпеня 1677, Полацк) – святар, педагог.
Уступіў у Таварыства Ісуса 12 верасня 1635 г. у Вільні. Прэфект школ у Ломжы (1648–1649) і Смаленску (1652–1654). Рэктар Смаленскага езуіцкага калегіума (1654–1655) і місіянер на расійскай тэрыторыі (1660–1661). Пракуратар знішчанага Віцебскага езуіцкага калегіума (1661–1662), а потым суперыёр і віцэ-рэктар (1663–1667) і рэктар (1667–1670, 1675–1677) Полацкага езуіцкага калегіума. Пад час свайго служэння ў Полацку дбаў пра будаўніцтва і рамонт касцёлаў, якія належалі Полацкаму калегіуму, у тым ліку Св. Пятра і Паўла, Св. Сафіі і некаторых іншых. У 1670–1673 гг. – рэктар калегіума ў Рэшлі[1].