У Вікіпедыі ёсць артыкулы пра іншых асоб з прозвішчам Круцько.
Мікалай Рыгоравіч Круцько (11 снежня 1919, г. Ніжын, Чарнігаўская вобласць, Украіна — 17 студзеня 1977) — савецкі філосаф, гісторык. Доктар філасофскіх навук (1971), кандыдат гістарычных навук (1959), прафесар (1971).
Скончыў Нежынскі педагагічны інстытут імя М. В. Гогаля (філалагічны факультэт, 1941).
Працаваў у Ваенна-марскім флоце СССР (1941—1960, з 1948 — Балтыйскае вышэйшае ваенна-марское вучылішча, выкладчык кафедры марксізму-ленінізму), Беларускім дзяржаўным універсітэце (з 1960, дацэнт кафедры гісторыі КПСС, з 1964 — кафедры навуковага камунізму, у 1964—1977 — загадчык кафедры).
Навуковыя інтарэсы: праблемы дэмакратыі; праблемы міжнароднага рабочага і камуністычнага руху; сусветны рэвалюцыйны працэс.
Ордэн Чырвонай Зоркі (1956) і інш.