Мікала́й Мікала́евіч Юдзе́ніч (руск.: Николай Николаевич Юденич; 18 (30) ліпеня 1862, Масква, Расійская імперыя — 5 кастрычніка 1933, Каны, Францыя) — рускі ваенны дзеяч, генерал ад інфантэрыі (1915). Адзін з самых паспяховых генералаў Расійскай імперыі пад час Першай сусветнай вайны, падчас Грамадзянскай вайны узначальваў сілы, якія дзейнічалі супраць савецкай улады на Паўночна-Заходнім кірунку. Апошні расійскі кавалер Ордэна Святога Георгія II класа.