У Вікіпедыі ёсць артыкулы пра іншых асоб з прозвішчам Носаў.
Мікалай Мікалаевіч Носаў (руск.: Никола́й Никола́евич Но́сов, 10(23).11.1908, Кіеў — 26 ліпеня 1976) — савецкі пісьменнік. Скончыў Дзяржаўны інстытут кінематаграфіі ў 1932 годзе. Удзельнік Вялікай Айчыннай вайны. Працаваў кінарэжысёрам (1932-51). Літаратурны дэбют — у 1938 годзе. Аўтар кніг для дзяцей: аповесці «Віця Малееў у школе і дома» (1951; Дзяржаўная прэмія СССР, 1952; фільм «Два сябра», 1955), цыкла гумарыстычных апавяданняў «Фантазёры» (1957; аднайменны фільм, 1966); трылогіі «Прыгоды Нязнайкі і яго сяброў» (1954), «Нязнайка ў Сонечным горадзе» (1958), «Нязнайка на Месяцы» (1964-65; Дзяржаўная прэмія РСФСР ім. Н. К. Крупскай, 1970 г.). Узнагароджаны 2 ордэнамі, а таксама медалямі.