wd wp Пошук: ⬜

Мікалай Іванавіч Міцкевіч

У Вікіпедыі ёсць артыкулы пра іншых асоб з прозвішчам Міцкевіч.

Мікалай Іванавіч Міцке́віч (29 лістапада 1914, Койданава, Мінская губерня, Расійская імперыя — 30 лістапада 1991) — беларускі фізікахімік, акадэмік АН Беларусі (1980, член-карэспандэнт 1969), доктар хімічных навук (1964), прафесар (1966), заслужаны дзеяч навукі БССР (1978).

Біяграфія

Нарадзіўся 29 лістапада 1914 года ў Койданава.

У 1939 годзе скончыў Беларускі дзяржаўны ўніверсітэт. З 1950 года ў інстытуце хіміі, у 1959—1969 гадах і з 1982 года ў Інстытуце фізіка-арганічнай хіміі (у 1958—1965 гадах намеснік дырэктара), у 1969—1982 гадах акадэмік-сакратар Аддзялення хімічных і геалагічных навук АН Беларусі.

Памёр 30 лістапада 1991 года. Пахаваны ў Мінску на Усходніх могілках.

Навуковая дзейнасць

Навуковыя працы па вывучэнню кінетыкі працэсаў акіслення арганічных рэчываў. Устанавіў механізм спалучанага з акісленнем дэкарбаксіліравання смаляных, мона- і дыкарбонавых кіслот, іх эфіраў і іншых вытворных. Распрацаваў метады сінтэзу двухатамных фенолаў і галагенавытворных араматычных кіслот.

Сярод апублікаванага:

Сопряженное с автоокислением декарбоксилирование карбоновых кислот. — Мн., 1970 (разам з Б. В. Ерафеевым).

Зноскі

Літаратура

Міцкевіч Мікалай Іванавіч // Беларуская савецкая энцыклапедыя. — Т. 7. Мінск. 1973. С. 273.
Н. И. Мицкевич // Весці АН БССР. Серыя хімічных навук. Мінск. № 6. 1974.
Н. И. Мицкевич // Весці АН БССР. Серыя хімічных навук. Мінск. № 6. 1984.
Міцкевіч Мікалай Іванавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары. — С. 489. — 544 с. — 10 000 экз. — ISBN 985-11-0169-9 (т. 10), ISBN 985-11-0035-8.
Міцкевіч Мікалай Іванавіч // Памяць. Гісторыка-дакументальная хроніка Дзяржынскага раёна. Мінск. 2004. — С. 607—608.