У Вікіпедыі ёсць артыкулы пра іншых асоб з прозвішчам Пікфард. Мэры Пікфард (англ.: Mary Pickford, 8 красавіка 1892 — 29 мая 1979), народжаная Глэдзіс Луіза Сміт — знакамітая кіна- і тэатральная актрыса канадскага паходжання, сузаснавальніца кінакампаніі United Artists. Легенда нямога кіно. Уладальніца прэміі «Оскар» (1930). Праславілася ў амплуа дзяўчынак-падшыванак і бедных сіротак і толькі ў апошнія некалькі гадоў кар’еры перайшла на «дарослыя» ролі. Знялася прыкладна ў 250 фільмах.