Мо́хава — возера ў Лоеўскім раёне Гомельскай вобласці, за 6 км на паўночны захад ад гарадскога пасёлка Лоеў, каля вёскі Мохаў, на правабярэжнай пойме ракі Дняпра.
Плошча паверхні 0,42 км². Даўжыня 2,6 км, найбольшая шырыня 0,19 км. Даўжыня берагавой лініі 5,62 км.
Возера старычнае, серпападобнай формы. Схілы катлавіны вышынёй да 3 м, спадзістыя, на ўсходзе параслі хмызняком, на захадзе пад лугам.